"தி கோட்"-சிறப்பு காட்சி-அனுமதி வழங்கப்படுமா? - இன்று மாலை வெளியாகும் முக்கிய அறிவிப்பு

வெங்கட் பிரபு இயக்கத்தில் விஜய் நடிக்கும் தி கோட் திரைப்படத்தின் சிறப்பு காட்சிக்கான அனுமதி இன்று மாலைக்குள் கிடைக்க வாய்ப்புள்ளதாக தகவல் வெளியாகியுள்ளது.

நாளை கோட் திரைப்படம் உலகம் முழுவதும் திரையரங்குகளில் வெளியாகவுள்ள நிலையில் சென்னை மட்டுமல்லாமல் தமிழ்நாட்டில் உள்ள அனைத்து திரையரங்குகளிலும் சிறப்பு காட்சிக்கு தமிழக அரசு அனுமதி வழங்காதததை அடுத்து

அதற்கான பேச்சுவார்த்தை நடைபெற்று வருவதாகவும் இன்று மாலைக்குள் சிறப்பு காட்சி காண அனுமதி வழங்கப்படும் என்றும் எதிர்பார்க்கப்படுகிறது. ஏற்கனவே திட்டமிட்டபடி ஒரு நாளுக்கு 4 காட்சிகள் வீதம் திரையிடப்படும் என திரையரங்க உரிமையாளர்கள் தெரிவித்து இருந்த நிலையில் தமிழக அனுமதி வழங்கும் பட்சத்தில் நாள் ஒன்றுக்கு 5 காட்சிகள் வீதம் திரையிடப்பட வாய்ப்புள்ளது.