நடிகர் சிவாஜியின் 93 வது பிறந்த தினம்; டூடுல் வெளியிட்டு பெருமைபடுத்திய கூகுள் - நன்றி தெரிவித்து கொண்ட நடிகர் விக்ரம் பிரபு

நடிகர் சிவாஜி கணேசனின் 93 வது பிறந்தநாளையொட்டி கூகுள் நிறுவனம் டூடுல் வெளியிட்டு பெருமைப்படுத்தியுள்ளது. தமிழக திரைப்பட ரசிகர்கள் மனதில் என்றும் நீங்காமல் இடம்பிடித்தவர் நடிகர் சிவாஜி கணேசன், அவரது பிறந்தநாளையொட்டி பல்வேறு இடங்களில் அவரது உருவப்படத்திற்கு மலர் தூவி மரியாதை செலுத்தப்பட்டு வருகிறது. இந்த நிலையில் கூகுள் நிறுவனம் ஒவ்வொரு நாளும் உலகின் தலைசிறந்த கலைஞர்கள், ஆராய்ச்சியாளர்கள், கல்வியாளர்கள், முக்கியத் தலைவர்களின் பிறந்த தினத்தை நினைவு கூறும் வகையில் கூகுள் இணைய தேடுதளத்தின் முகப்பில் டூடுல் வெளியிட்டு வருகிறது. இந்த நிலையில் பெங்களூரை சேர்ந்த கலைஞர் நூப்பூர் ராஜேஷ் சோக்ஸி வரைந்த ஓவியத்தை டூடுலாக கூகுள் வெளியிட்டு பெருமைபடுத்தியுள்ளது. இதனை நடிகர் சிவாஜியின் பேரன் விக்ரம் பிரபு தனது டுவிட்டர் பக்கத்தில் வெளியிட்டு நன்றி தெரிவித்துள்ளார்.