ஒரே நேரத்தில் 8 படங்கள் - தயாரிப்பு நிறுவனத்தின் அதிரடி அறிவிப்பு

சசி இயக்கத்தில், சித்தார்த், ஜீ.வி.பிரகாஷ் நடித்த "சிவப்பு மஞ்சள் பச்சை" படத்தை தயாரித்தவர், ரமேஷ் பி.பிள்ளை. இவர் தற்போது எழில் இயக்கத்தில் ஜீ.வி.பிரகாஷ் நடிக்கும் "ஆயிரம் ஜென்மங்கள்" மற்றும் மோகன்லால்-திரிஷா நடிக்கும் "ராம்" ஆகிய படங்களை தயாரித்து வருகிறார். இதனிடையே மேலும் 6 படங்களை இவர் தயாரிக்க உள்ளதாக அறிவிப்பு வெளியாகியுள்ளது. அதன்படி, பிரபுதேவா நடிப்பில் மூன்று படங்கள், நயன்தாரா நடிப்பில் இரண்டு படங்கள், காஜல் அகர்வால் நடிப்பில் ஒரு படத்தை ரமேஷ் பி.பிள்ளை தயாரிக்க உள்ளார்.