தீபாவளி விருந்தாக ரஜினியின் 'அண்ணாத்த'- நவம்பர் 4ல் ரிலீஸ் - படக்குழு அறிவிப்பு

ரஜினிகாந்த்தின் அண்ணாத்த திரைப்படம் தீபாவளி விருந்தாக திரையரங்குகளில் வெளியிடப்படும் என படக்குழு அறிவித்துள்ளது..அடுத்து எந்த படத்தில் நடிக்க போகிறார் என்பது தொடங்கி, அவரது படம் ரிலீசாகும் வரை ரஜினிகாந்த் படம் சார்ந்து எந்த செய்தி வந்தாலும் அது ஹாட் நியூஸ் தான்.. அந்த வகையில் அண்ணாத்த படத்தின் ரிலீஸ் அப்டேட்டை கொடுத்து அமர்க்களப்படுத்தியுள்ளது படக்குழு...பேட்ட படத்தில் பேட்ட வேலனாக மாஸ் காட்டி ரசிகர்களை கொண்டாட வைத்தார் ரஜினிகாந்த். ஆனால் அடுத்து வந்த தர்பார் திரைப்படம்  ரசிகர்களின் எதிர்பார்ப்பை பூர்த்தி செய்ய தவறியது.இதையடுத்து 2019ஆம் ஆண்டு சிறுத்தை சிவாவுடன் இணைந்து அண்ணாத்த படத்தில் நடிக்க தொடங்கினார் ரஜினிகாந்த். 2020ம் ஆண்டு தீபாவளிக்கு ரிலீஸ் என அறிவிக்கப்பட்டு படப்பிடிப்பு தொடங்க, கொரோனா முதலாம் அலையால் படப்பிடிப்பு தாமதமானது. பின்னர் சட்டமன்ற தேர்தல், ரஜினிகாந்த்திற்கு உடல்நல பாதிப்பு, கொரோனா இரண்டாம் அலை, படக்குழுவினருக்கு தொற்று என பல தடங்கல்களை கடந்து அண்ணாத்த படமாக்கப்பட்டுவிட்டது. பணிகள் மட்டுமே மீதமுள்ள நிலையில், படம் தீபாவளி விருந்தாக நவம்பர் 4ஆம் தேதி வெளியாகும் என தயாரிப்பு நிறுவனம் அறிவித்துள்ளது. மிகவும் எதிர்பார்க்கப்படும் பர்ஸ்ட் லுக் மோஷன் போஸ்டர் விரைவில் வெளியிடப்படும் எனவும் அறிவித்து ரசிகர்களை குஷிப்படுத்தியுள்ளது படக்குழு...அறிவிப்புகள் ஒருபக்கம் இருந்தாலும், எதிர்பார்த்தப்படி நவம்பர் 4ம் தேதி படம் திரைக்கு வர, கொரோனா பெருந்தொற்று கருணை காட்ட வேண்டும் என்பதே நிதர்சனம்...