விரைவில் திரைக்கு வரும் "ஜகமே தந்திரம் - திரையரங்கில் வெளியாகும் என தனுஷ் நம்பிக்கை

கார்த்திக் சுப்புராஜ் இயக்கத்தில், தனுஷ் நடிப்பில் உருவாகியுள்ள படம் 'ஜகமே தந்திரம்'. முன்னதாக, படப்பிடிப்பு நிறைவடைந்த நிலையில், ஓடிடி தளத்தில் வெளியாகவும் என எதிர்பார்க்கப்பட்டு வந்தது. பின்னர், ரசிகர்களுக்கு விருந்தளிக்கும் விதமாக, திரையரங்கில் தான் வெளியிட வேண்டுமென படக்குழுவால் முடிவு செய்யப்பட்டதாகவும் தகவல்கள் கசிந்தது. இந்நிலையில் நடிகர் தனுஷ் தனது டிவிட்டர் பக்கத்தில், தியேட்டர் உரிமையாளர்கள், விநியோகஸ்தர்கள், சினிமா பிரியர்கள் மறறும் ரசிகர்கள் போலவே, 'ஜகமே தந்திரம்' தியேட்டரில் வெளியாகும் என்று தானும் எதிர்பார்க்கிறேன் என குறிப்பிட்டுள்ளார். 

வெங்கட் பிரபு இயக்கத்தில், நடிகர் சிலம்பரசன் நடித்து வரும் படம் "மாநாடு".  அப்படத்தில் கல்யாணி பிரியதர்ஷன், பாரதிராஜா, எஸ்.ஜே.சூர்யா, உள்ளிட்ட பலர் நடித்து வருகின்றனர். முன்னதாக, 'மாநாடு' பாடத்தின் போஸ்டர் பொங்கலன்று வெளியாகி,  ரசிகர்கள் மத்திய நல்ல வரவேற்பை பெற்றது. இந்நிலையில், சிம்புவின் பிறந்தநாளை சிறப்பிக்கும் விதமாக, நாளை தினம்  படத்தின் டீசரை வெயியிட படக்குழு முடிவு செய்துள்ளது. அதன்படி, தமிழ், தெலுங்கு, இந்தி, கன்னடம், மலையாளம் ஆகிய மொழிகளில் வெளியாக உள்ள மாநாடு திரைப்படத்தின் டீசரை, ஏ.ஆர்.ரகுமான், பாலிவுட் இயக்குனர் அனுராக் கஷ்யப், ரவி தேஜா, பிருத்விராஜ், மற்றும் கிச்சா சுதீப் ஆகியோர் வெளியிடுகின்றனர்.

 

இயக்குனரும்,  நடிகருமான சசிகுமார் நடிப்பில் உருவாகிய படம் "பகைவனுக்கு அருள்வாய்". இயக்குனர் அனீஸ் இயக்கும் இப்படத்தில்,  நடிகைகள் வாணி போஜன், வரலட்சுமி சரத்குமார், ஐஸ்வர்யா ராஜேஷ் உள்ளிடோரும் நடித்துள்ளது. முன்னதாக இப்படத்தில் முதல் போஸ்டர் வெளியாகி நல்ல வரவேற்பை பெற்றது. இந்நிலையில், புதன்கிழமை மாலை 5 மணிக்கு, இரண்டாவது போஸ்டரை வெளியிட உள்ளதாக படக்குழு அறிவித்துள்ளது.