"நடிகர் சங்கத்தை நிர்வகிக்க சிறப்பு அதிகாரி?" - நாசர், விஷால் பதிலளிக்க பதிவுத்துறை நோட்டீஸ்

தென்னிந்திய நடிகர் சங்க தேர்தலில் பதிவான வாக்குகளை எண்ணுவது தொடர்பாக வரும் 15 ந்தேதி முடிவெடுக்கப்படும் என சென்னை உயர்நீதிமன்றம் அறிவித்துள்ளது. இந்நிலையில் நடிகர் சங்க தலைவர் நாசர், செயலாளர் விஷால் , பொருளாளர் கார்த்தி  ஆகியோருக்கு சங்கங்களின் பதிவுத்துறை சார்பில் நோட்டீஸ் அனுப்பப்பட்டுள்ளது. நடிகர் சங்க பணிகள் சரிவர நடைபெறவில்லை என புகார் எழுந்துள்ளதால் சட்டப்படி சிறப்பு அதிகாரியை அரசு முடிவு செய்துள்ளதாக அதில் குறிப்பிடப்பட்டுள்ளது.  இது தொடர்பாக நடிகர் சங்க தலைவர், செயலாளர் மற்றும் பொருளாளர் ஆகியோர் 30 நாட்களுக்குள் பதிலளிக்க வேண்டும் என்றும் அந்த  நோட்டீசில் குறிப்பிடப்பட்டுள்ளது. தவறினால் நடிகர் சங்கத்தை நிர்வகிக்க சிறப்பு அதிகாரி நியமிக்கப்படுவார் என்றும் அதில் தெரிவிக்கப்பட்டுள்ளது.