விபத்தில் சினிமா 'போட்டோகிராபர்' பலி : குணசித்திர நடிகருக்கு சிகிச்சை

தேனி மாவட்டம், கோம்பை அருகே நடந்த விபத்தில் சினிமா போட்டோகிராபர் சிவா உயிரிழந்தார். அஜித்குமார் நடித்த 'அவள் வருவாளா' உள்ளிட்ட திரைப்படங்களை இயக்கியவர் ராஜ்கபூர். இவர் தற்போது 'டிவி சீரியல்' இயக்குகிறார். இதன் படப்பிடிப்பு கோம்பையில் நடக்கிறது. ஷூட்டிங்கில் போட்டோகிராபராக வேலை பார்த்த சிவாவும், குணசித்திர நடிகர் மீசை தவசியும் தனி காரில் சென்றனர். இரட்டைபுளி ஓடை பகுதியில் நிலை தடுமாறி, அருகில் உள்ள தோட்டத்தில் கார் கவிழ்ந்ததில் சிவா உயிரிழந்தார். தவசி தீவிர சிகிச்சை பிரிவில் அனுமதிக்கப்பட்டுள்ளார்.