தவறான விளக்கத்தை அளிக்கிறார்கள் - வர்மா தயாரிப்பாளர் மீது பாலா புகார்...

வர்மா திரைப்படத்திலிருந்து தாம் தான் விலகியதாகவும், தம்மை யாரும் நீக்கவில்லை என்று இயக்குனர் பாலா தெரிவித்துள்ளார். இது தொடர்பாக அவர் வெளியிட்டுள்ள அறிக்கையில், வர்மா திரைப்படம் தொடர்பாக தயாரிப்பு நிறுவனம் தவறான விளக்கத்தை அளித்துள்ளதாக குற்றஞ்சாட்டியுள்ளார். வர்மா படத்திலிருந்து விலகியது தாம் எடுத்த முடிவு என்று சுட்டிக்காட்டியுள்ள பாலா, இந்த விளக்கத்தை தர வேண்டிய நிர்பந்தத்திற்கு ஆளாக்கப்பட்டுள்ளதாக கூறியுள்ளார். தயாரிப்பாளர் உடன் செய்து கொண்ட ஒப்பந்தத்தையும் வெளியிட்டு இயக்குநர் பாலா விளக்கம் அளித்துள்ளார். மேலும் துருவ் விக்ரமின் எதிர்காலம் கருதி இதுகுறித்து பேச விரும்பவில்லை என அவர் தெரிவித்துள்ளார்.