'யு' சான்றிதழை தாங்கி வரும் 'தமிழ்படம் 2'

சி.எஸ்.அமுதன் இயக்கத்தில் சிவா நடிப்பில் வெளியாக உள்ள 'தமிழ்ப்படம் 2' மீது மிகுந்த எதிர்ப்பார்ப்பு எழுந்துள்ளது. படத்தின் அறிவிப்பு முதல் டீசர் வரை எப்போதும் மற்ற படங்களை கலாய்க்கும் 'தமிழ்படம் 2' படக்குழு, தணிக்கை சான்றிதழ் கிடைத்ததையும் அதே பாணியில் அறிவித்துள்ளது. பாகுபலி படத்தில் பிரபாஸ் சிவலிங்கத்தை சுமந்து செல்லும் காட்சியை , சிவா ’யு’ சான்றிதழை சுமந்து நடப்பது போல் மாற்றி போஸ்டர் வெளியிட்டுள்ளனர். ஜூலை 13-ம் தேதி இந்த படம் வெளியாகலாம் என்று எதிர்ப்பார்க்கப்படும் நிலையில், அதற்கு முன்பாக ட்ரெய்லர் வெளியாகும் என தெரிகிறது.