இரும்பு ஸ்பேனரால் காதலியின் தலையை சிதைத்து... அருகேயே உட்கார்ந்து பார்த்து ரசித்த கொடூர காதலன்

மும்பை அருகே கிழக்கு வாசையில் உள்ள சின்ச்பாடா பகுதியைச் சேர்ந்த ரோகித் யாதவ் மற்றும் ஆர்த்தி இருவரும் நீண்ட காலமாக காதலித்து வந்துள்ளனர். சமீபத்தில் ரோகித் யாதவை ஆர்த்தி breakup செய்ததாக தெரிகிறது. இதனால் விரக்தியில் இருந்த ரோகித் யாதவ், ஆர்த்தி வேறு ஒரு நபருடன் காதல் கொண்டுள்ளார் என சந்தேகம் அடைந்துள்ளார். இந்நிலையில், பட்டப்பகலில் பொதுமக்கள் முன்னிலையில் ஸ்பேனரை கொண்டு ஆர்த்தியை பல முறை பலமாக ரோகித் யாதவ் தாக்கியுள்ளார். பொதுமக்கள் முன்னிலையில் இந்த கொடூரம் அரங்கேறிய போதும் இதனை யாரும் தடுக்காத நிலையில், ரத்த வெள்ளத்தில் சரிந்த ஆர்த்தி சம்பவ இடத்திலேயே உயிரிழந்தார். கொலைக்குப் பிறகு தப்பி ஓடாமல் காதலியின் பக்கத்தில் அமர்ந்திருந்த ரோகித் யாதவை போலீசார் கைது செய்தனர். சிசிடிவியில் பதிவான இந்த காட்சி வெளியாகி பரபரப்பை ஏற்படுத்தியுள்ளது.