கட்டிலில் தூங்கிய மாமியாரை வீடு புகுந்து கடித்து குதறி கொன்ற நாய்கள் - நேரில் கண்டு கதறிய மருமகள்

நைனாகுப்பம் கிராமத்தைச் சேர்ந்த 80 வயதான மூதாட்டி அஞ்சலை, கடந்த மூன்று மாதங்களுக்கும் மேலாக வீட்டில் படுத்த படுக்கையாக இருந்துள்ளார். மூதாட்டியை மருமகள் கோவிந்தம்மாள் கவனித்து வந்த நிலையில், கூலி வேலைக்கு சென்றுவிட்டு வீடு திரும்பியபோது, தோட்டத்து வாசல் வழியாக உள்ளே புகுந்த தெருநாய்கள் அஞ்சலையை கடித்து குதறியதை கண்டு கோவிந்தம்மாள் அதிர்ச்சி அடைந்தார். அக்கம் பக்கத்தினர் உதவியுடன் நாய்களை விரட்டிய கோவிந்தம்மாள், படுகாயங்களுடன் உயிருக்கு போராடிய அஞ்சலையை மீட்டு மேல் சிகிச்சைக்காக முண்டியம்பாக்கம் அரசு மருத்துவக் கல்லூரி மருத்துவமனைக்கு அழைத்து செல்லப்பட்ட நிலையில், அங்கு சிகிச்சை பலனின்றி பரிதாபமாக உயிரிழந்தார். கடந்த ஒருவாரத்தில் மட்டும் தமிழ்நாட்டில் நாய் கடித்து 3 பேர் உயிரிழந்தது அதிர்ச்சியை ஏற்படுத்தியுள்ளது.