5 பேரை காவு வாங்கிய ECR கார் விபத்து..உள்ளே இருந்தது எத்தனை பேர்? - வெளிவந்த திடுக்கிடும் தகவல்

மாமல்லபுரம் அருகே கார் மோதி 5 பேர் உயிரிழந்த விவகாரத்தில் காரை ஓட்டிச்சென்ற கல்லூரி மாணவனை போலீசார் கைது செய்து சிறையில் அடைத்தனர். செங்கல்பட்டு மாவட்டம் பண்டிதிமேடு பகுதியில் கல்லூரி மாணவர்கள் சென்ற கார் மோதியதில் சாலையோரமாக இளைப்பாறிய 5 பெண்கள் உயிரிழந்தனர். காரில் பயணித்த 2 பேர் தப்பியோடிய நிலையில், ஜோஷ்வா, தாஹித் அஹமது நரின்ஸ் நாராயணா ஆகியோரை அப்பகுதியினர் பிடித்து சரமரியாக அடித்து போலீசாரிடம் ஒப்படைத்தனர். அவர்களிடம் போலீசார் நடத்திய விசாரணையில் ஹோட்டலில் சாப்பிட்டு விட்டு ஐந்து பேரும் ஒரே காரில் பயணித்ததும், பையனூரில் உள்ள தனியார் கல்லூரிக்கு ஒன்றாக காரில் சென்றதும் தெரியவந்தது. அதில் காரை ஓட்டிச்சென்ற ஜோஷ்வா கைது செய்யப்பட்டுள்ள நிலையில் மற்ற இருவரிடமும் போலீசார் விசாரணை நடத்தி வருகின்றனர்.