மகாராஷ்டிரா, ஜார்க்கண்டில் அடுத்து யார் ஆட்சி? - மக்கள் தீர்ப்பு என்ன? - இன்று வாக்கு எண்ணிக்கை

மகாராஷ்டிரா மற்றும் ஜார்க்கண்ட் சட்டப்பேரவை தேர்தல் முடிவுகள் இன்று வெளியாகின்றன. 288 சட்டமன்றத் தொகுதிகளைக் கொண்ட மகாராஷ்டிராவில் ஒரே கட்டமாக தேர்தல் நடைபெற்றது. 81 தொகுதிகளைக் கொண்ட ஜார்க்கண்டில் 2 கட்டங்களாக தேர்தல் நடைபெற்றது. இந்நிலையில் இரு மாநிலங்களிலும் இன்று காலை 8 மணிக்கு வாக்கு எண்ணிக்கை தொடங்க உள்ளது. முதலில் தபால் வாக்குகள் எண்ணப்பட்டு பிறகு, மின்னணு வாக்கு எந்திரத்தில் பதிவான வாக்குகள் எண்ணப்பட உள்ளன. இரு மாநிலங்களிலும் பாஜக ஆட்சி அமைக்கும் என தேர்தலுக்குப் பிந்தைய கருத்துக்கணிப்பில் முடிவுகள் வெளியாகியிருந்த நிலையில், மக்கள் முடிவு என்ன என்ற எதிர்பார்ப்பு அதிகரித்துள்ளது.