ENG Vs IND இங்கிலாந்துக்கு பதிலடி கொடுத்த இந்தியா

இந்தியாவில் சுற்றுப்பயணம் மேற்கொண்டுள்ள இங்கிலாந்து மகளிர் கிரிக்கெட் அணி, 3 டி20 போட்டிகள் கொண்ட தொடரை, 2க்கு பூஜ்யம் என்ற கணக்கில் கைப்பற்றியது. இந்நிலையில், மும்பை வான்கடே மைதானத்தில் நேற்று நடந்த மூன்றாவது டி20 போட்டியில், முதலில் பேட்டிங் செய்த இங்கிலாந்து அணி, 20 ஓவர்களில் 126 ரன்கள் மட்டுமே எடுத்து அனைத்து விக்கெட்டுகளையும் இழந்தது. பின்னர் களமிறங்கிய இந்திய அணி, 19 ஓவர்களில் இலக்கை எட்டி இந்தத் தொடரில் ஆறுதல் வெற்றியை பதிவு செய்தது. இதன் மூலம், 2க்கு 1 என்ற கணக்கில் இங்கிலாந்து அணி தொடரை வென்றது. இவ்விரு அணிகளும் மோதும் டெஸ்ட் போட்டி, வரும் 14ஆம் தேதி நவி மும்பையில் உள்ள டி.ஒய். பாட்டில் மைதானத்தில் தொடங்க உள்ளது குறிப்பிடத்தக்கது.