சாலை விபத்தில் சிக்கிய இளைஞர்கள்... துரிதமாக செயல்பட்ட அமைச்சர் மா.சுப்பிரமணியன்

எம்.ஜி.ஆர்‌ நூற்றாண்டு வளைவு அருகே ராயபுரத்தைச் சேர்ந்த சூர்யா,ஸ்ரீபாலாஜி இருவரும் ஒரு இருசக்கர வாகனத்திலும்,கெளதம், முகமது தமீம் இருவரும் மற்றொரு பைக்கில் சென்று கொண்டிருந்தனர்.

அப்போது, எதிர்பாராத விதமாக இவர்கள் சென்ற பைக் விபத்துக்குள்ளானது.

அப்போது, அவ்வழியாக சென்று கொண்டிருந்த, அமைச்சர் மா.சுப்பிரமணியன் விபத்துக்குள்ளான நான்கு இளைஞர்களை உடனடியாக மீட்டு, தனது காரில் அழைத்து சென்று, ராஜிவ்காந்தி அரசு பொது மருத்துவமனையின் அவசர சிகிச்சைப் பிரிவில் அனுமதித்தார்.

இதில் 3 பேர் வீடு திரும்பிய நிலையில்,பேஸ்கட் பால் வீரரான சூர்யா, தலையில் பலத்த காயத்துடன், உயிருக்கு ஆபத்தான நிலையில் சிகிச்சை பெற்று வருவது, அவரது குடும்பத்தாரை சோகத்தில் ஆழ்த்தியுள்ளது