"அந்த கடைக்கு வைக்காமல்.. இந்த கடைக்கு மட்டும் ஏன் சீல் வைக்கிறீங்க.." - ரெய்டில் திடீர் தள்ளுமுள்ளு

மயிலாடுதுறை அருகே சுகாதாரமற்ற முறையில் இயங்கிய கடைகளுக்கு அதிகாரிகள் சீல் வைக்க முயன்ற போது, இரு தரப்பினர் சேர்ந்து வாக்குவாதத்தில் ஈடுபட்டனர். சின்னகடை வீதியில் சுகாதாரமற்ற முறையில் இயங்கியதாக டீக்கடைக்கு, உணவு பாதுகாப்பு துறை அதிகாரிகள் சீல் வைக்க வந்தனர். அப்போது ஒரு தரப்பினர் டீக்கடைக்கு சீல் வைக்க எதிர்ப்பு தெரிவித்து வாக்குவாதத்தில் ஈடுபட்டனர். பின்னர், எதிரே இருந்த பழக்கைடைக்கு சென்று சோதனை செய்த அதிகாரிகள், அந்தக் கடைக்கும் சீல் வைக்க முயன்ற போது, பொதுமக்கள் எதிர்ப்பு தெரிவித்தனர். ஒரு கடையை விட்டு, மற்றொரு கடைக்கு மட்டும் சீல் வைப்பதாகக் கூறி வாக்குவாதம் செய்தனர். இருதரப்பினர் சேர்ந்து வாக்குவாதத்தில் ஈடுபட்டதால் பரபரப்பு நிலவியது.