விஜய் சேதுபதியின் உருக வைக்கும் செயல் - நலிந்தவர்களை கைதூக்கிவிடும் மக்கள் செல்வன்..!

முன்பெல்லாம் நாம் திரை பிரபலங்களின் படங்கள் வெளிவருகிறது என்றால் நாம் அனைவரும் கட்-அவுட்களை துணிகளில் அல்லது மரக்கட்டைகளில் வரைந்து வடிவமைத்தது மட்டும்தான் பார்த்து ரசித்து இருக்கிறோம், அதை அன்றைய ரசிகர்கள் கொண்டாடி இருக்கின்றனர்.., பிரம்மாண்டமாக பார்த்து ரசித்திருக்கின்றனர். ஆனால் தற்பொழுது டிஜிட்டல் மயமான இந்த சூழலில் பெரும்பாலும் நாம் திரையரங்குகளில் வெளியே பார்ப்பது பிரம்மாண்ட டிஜிட்டல் பேனர்களே..

பிரம்மாண்ட கட்-அவுட்களையும் தங்களது ஓவியத் திறமையால் வரைந்த ஓவியர்கள் தற்பொழுது இல்லாமலே போய்விட்டனர். அவர்களது வறுமையை போக்கும் விதத்தில், நடிகர் விஜய் சேதுபதி அவர்கள் 2023 ஆம் ஆண்டிற்கான காலண்டர் ஒன்றினை சர்வதேச புகைப்பட கலைஞர் ராமச்சந்திரனை கொண்டு பட்டை தீட்டி இருக்கிறார். அந்த காலண்டர்கள் விற்கப்படும் அனைத்து தொகையும் விஜய் சேதுபதியின் அறக்கட்டளை மூலம் நலிவுற்ற பேனர் ஓவியக் கலைஞர்களுக்கு உதவும் விதமாக இந்த போட்டோ ஷூட் நடந்து இருக்கிறது.