காய்கறி விலை கிடு கிடு உயர்வு

வேலூர் குடியாத்தம் காய்கறி மொத்த விற்பனை சந்தை மற்றும் சில்லறை விற்பனைச் சந்தையில் காய்கறிகளின் விலை கிடுகிடுவென உயர்ந்துள்ளது... கேரட், கத்திரி, பீன், அவரை, மிளகாய் உள்ளிட்ட காய்கறிகள் 100 ரூபாய்க்கு விற்கப்படுகின்றன. அதிலும் பூண்டு 200 ரூபாய் வரையிலும், வெங்காயம் 120 ரூபாய் வரையிலும், இஞ்சி 250 ரூபாய் எனவும் விற்கப்படுகிறது. வடமாநிலங்கள் மற்றும் ஆந்திர, கர்நாடக மாநிலங்களில் பெய்த தொடர் மழையாலும், விளைச்சல் குறைந்து காய்கறி வரத்து மட்டுப்படுத்தப் பட்டதாலும் காய்கறிகள் விலை கடுமையாக உயர்ந்துள்ளதாக தெரிவிக்கப்பட்டுள்ளது. மேலும், தற்போது விலை குறைய வாய்ப்பில்லை எனவும், மேலும் உயர வேண்டுமானால் வாய்ப்புள்ளதாகவும் காய்கறி வியாபாரிகள் தெரிவித்தனர்.