பாண்டவர்கள் இப்படி முத்தமிடுவார்களா? - ராகுல் காந்தி மீது உ.பி. அமைச்சர் திடீர் தாக்கு

காங்கிரஸ் முன்னணி தலைவர் ராகுல்காந்தி மீது உத்தரப்பிரதேச அமைச்சர் தினேஷ் பிரதாப் சிங் காட்டமாக கருத்து தெரிவித்துள்ளார்.

காங்கிரஸ் கட்சியின் முன்னாள் தலைவர் ராகுல்காந்தி கடந்த செப்டம்பரில் தொடங்கிய, இந்திய ஒற்றுமை யாத்திரை தற்போது உத்தரப்பிரதேசத்தில் நடைபெற்றுவருகிறது.

உ.பி.யின் காசியாபாத்தில் நடைபெற்ற பொதுக்கூட்ட மேடையில், காங்கிரஸ் பொதுச்செயலாளர் பிரியங்கா காந்தியும் கலந்துகொண்டார்.

அப்போது, ராகுல்காந்தி தன் தங்கை பிரியங்காவுக்கு வாஞ்சையோடு முத்தம் கொடுத்தார். அண்ணனின் அன்பால் நெகிழ்ந்த பிரியங்கா, முகம் மலர சிரித்த காட்சி, இணையத் தில் தீயாய்ப் பரவியது.

ஆர்எஸ்எஸ் அமைப்பினரை 21ஆம் நூற்றாண்டு கௌரவர்கள் என ராகுல் குறிப்பிட்டதைப் பற்றி, உத்தரப்பிரதேச அமைச்சர் தினேஷ் பிரதாப் சிங் கடுமையாக விமர்சித்துள்ளார்.

அவர்கள் கௌரவர்கள் என்றால், ராகுல் பாண்டவரா என்றும், எந்த பாண்டவராவது ராகுல்காந்தியைப் போல தன் தங்கையை பொது இடத்தில் முத்தமிடுவாரா என்றும் அவர் கேட்டுள்ளார்.