வாடகை உயர்வு வழங்காததை கண்டித்து வரும் 14ஆம் தேதி லாரிகள் காலவரையற்ற ஸ்டிரைக் அறிவிப்பு

வாடகை உயர்வு வழங்காததை கண்டித்து வரும் 14ஆம் தேதி நள்ளிரவு முதல் காலவரையற்ற வேலை நிறுத்தத்தில் ஈடுபட இருப்பதாக, கண்டெய்னர் லாரி உரிமையாளர் சங்கத்தினர் அறிவித்துள்ளனர். இது தொடர்பாக, சென்னை ராயபுரத்தில் செய்தியாளர்களைச் சந்தித்த கண்டெய்னர், ட்ரெய்லர் லாரி உரிமையாளர்கள், எட்டு ஆண்டுகளாக வாடகை உயர்த்தவில்லை என, குற்றம் சாட்டினர். வரும் 14ஆம் தேதி நள்ளிரவு முதல் காலவரையற்ற வேலை நிறுத்த போராட்டம் நடத்தப்போவதாகவும், இருந்தபோதிலும் தங்கு தடையின்றி மருத்துவ பொருட்கள் கிடைக்கும் எனவும் தெரிவித்தனர்.