டி.என்.பி.எல் - கடைசி பந்தில் வெற்றி பெற்ற நெல்லை..!

டி.என்.பி.எல். தொடரின் ஆறாவது லீக் போட்டியில், நெல்லை ராயல் கிங்ஸ் 4 விக்கெட்டுகள் வித்தியாசத்தில் லைகா கோவை கிங்ஸ் அணியை வீழ்த்தியது. கோவையில் நடைபெற்ற போட்டியில் முதலில் பேட் செய்த லைகா கோவை கிங்ஸ், 20 ஓவர்களில் 6 விக்கெட்டுகள் இழப்புக்கு 181 ரன்கள் சேர்த்தது. நட்சத்திர வீரர் சாய் சுதர்சன் 90 ரன்கள் விளாசினார். அடுத்து பேட் செய்த நெல்லை ராயல் கிங்ஸ் அணி, 6 விக்கெட்டுகளை இழந்த நிலையில் கடைசி பந்தில் இலக்கை எட்டி த்ரில் வெற்றி பெற்றது. நெல்லை வீரர் அஜிதேஷ் சிறப்பாக விளையாடி 112 ரன்கள் சேர்த்து வெற்றிக்கு வித்திட்டார்.