டி.என்.பி.எல். தொடர் - அதிரடி மாற்றம்..."தமிழக வீரர்கள் நாளை முதல் பெயரை பதிவு செய்யலாம்"...எங்கு விண்ணப்பிப்பது? | TNPL

அடுத்த ஆண்டு நடைபெற உள்ள டி.என்.பி.எல் கிரிக்கெட் தொடரில் பங்கேற்கும் வீரர்கள் ஏலம் மூலம் தேர்வு செய்யப்பட உள்ளனர்.

7-வது டி.என்.பி.எல் டி-20 தொடர் அடுத்த ஆண்டு ஜூன்-ஜூலை மாதங்களில் நடத்த திட்டமிடப்பட்டுள்ளது.

இந்த தொடரில் டி.என்.பி.எல் நிர்வாகம் பல்வேறு மாற்றங்களை மேற்கொள்ள உள்ளது. இதன்படி, தொடரில் பங்கேற்கும் வீரர்கள் ஐபிஎல் போன்று ஏல முறைப்படி தேர்வு செய்யப்பட உள்ளனர்.

இதற்காக ஒவ்வொரு அணியும் அதிகபட்சமாக 70 லட்சம் ரூபாய் செலவு செய்யலாம் என்றும், வீரர்கள் விடுவிப்பு, தக்க வைப்பு உள்ளிட்டவை குறித்து அணி நிர்வாகிகளுடன் கலந்து ஆலோசிக்கப்படும் என்றும் தெரிவிக்கப்பட்டு உள்ளது.

போட்டியில் பங்கேற்க விரும்பும் தமிழக வீரர்கள் நாளை முதல் ஜனவரி 20ம் தேதி வரை தங்களது பெயரை பதிவு செய்து கொள்ளலாம் என்றும்,

இதற்கான விண்ணப்பத்தை சேப்பாக்கத்தில் உள்ள தமிழ்நாடு கிரிக்கெட் சங்க அலுவலகத்திலோ அல்லது டி.என்.சி.ஏ, டி.என்.பி.எல். இணையதளத்திலோ பெற்றுக் கொள்ளலாம் என்றும் கூறப்பட்டு உள்ளது.

இதேபோல், நடுவர்களின் தீர்ப்பை அப்பீல் செய்யும் டி.ஆர்.எஸ். தொழில்நுட்பமும் டி.என்.பி.எல் தொடரில் முதல் முறையாக அறிமுகம் செய்யப்பட உள்ளது.