டாஸ்மாக் கடை சுவரை துளையிட்டு கொள்ளை... 4 பேரை சிறையில் அடைத்த போலீசார்

திருத்தணி அருகே டாஸ்மாக் கடை சுவரில் மர்மநபர்கள் துளையிட்டு கொள்ளையடித்த சம்பவத்தில் 4 பேரை போலீசார் கைது செய்துள்ளனர். திருவள்ளூர் மாவட்டம் திருத்தணி அருகே கடந்த 16 ஆம் தேதி, அரசு டாஸ்மாக் கடையின் பின் பக்க சுவரை மர்மநபர்கள் துளையிட்டு கொள்ளையடித்து சென்றனர். இது தொடர்பான சிசிடிவி காட்சிகள் வெளியாகி பெரும் பரபரப்பை ஏற்படுத்திய நிலையில், போலீசார் தீவிர விசாரணை நடத்தி வந்தனர். விசாரணையில் திருத்தணி மற்றும் திருமழிசை பகுதிகளை சேர்ந்த 4 பேர் குற்றத்தை ஒப்புக்கொண்ட நிலையில், ஜெகதீஸ்வரன், திருப்பதி, சதீஷ் மற்றும் கிருபாகரன் ஆகீயோரை போலீசார் சிறையில் அடைத்தனர்.