சாலையில் நின்று கொண்டிருந்த பைக் திருட்டு - சிசிடிவி காட்சியினால் சிக்கிய 'பாய்ஸ்'

புதுச்சேரியில் இரு சக்கர வாகனத்தை திருடிய இருவரை சிசிடிவி காட்சியின் மூலம் போலீசார் கைது செய்தனர். புதுச்சேரி பேருந்து நிலையம் அருகே வசித்து வந்த உமாபதி என்பவர் தனது இரு சக்கர வாகனத்தை காணவில்லை என போலீசில் புகாரளித்தார். இதனடிப்படையில், அப்பகுதியில் உள்ள சிசிடிவி காட்சிகளை கைப்பற்றி போலீசார் விசாரணை நடத்தினர். இதில், இரு இளைஞர்கள் சாலையில் நின்று கொண்டிருந்த இரு சக்கர வாகனத்தின் ஹாண்டில் பாரை காலால் உதைத்து திருடி செல்வது பதிவாகியிருந்தது. இந்நிலையில், மரக்காணத்தை சேர்ந்த ஆனந்த் மற்றும் அருண் ஆகிய இரு இளைஞர்களையும் பிடித்து வாகனத்தை மீட்ட போலீசார், இருவரையும் நீதிமன்றத்தில் ஆஜர்படுத்தி சிறையில் அடைத்தனர்.