போலீஸையே போட்டு கொடுத்த ரவுடி; 5 ஆயிரத்திற்கு ஆசைப்பட்டு... - மாட்டி கொண்ட இன்ஸ்பெக்டர்

கடலூர் அருகே ரவுடியிடம் லஞ்சம் வாங்கிய குள்ளஞ்சாவடி காவல் ஆய்வாளர் கைது செய்யப்பட்டுள்ளார். சமுட்டிக்குப்பத்தைச் சேர்ந்தவர் ஸ்ரீகாந்த். இவர், மீது பல்வேறு வழக்குகள் உள்ள நிலையில், குள்ளஞ்சாவடி காவல் ஆய்வாளரான ஷியாம் சுந்தர், ஸ்ரீகாந்தை முன்னெச்சரிக்கை நடவடிக்கையாக கைது செய்துள்ளார்.

ஸ்ரீகாந்துக்கு உடல்நிலை சரியில்லாத காரணத்தால், கடலூர் அரசு மருத்துவமனையில், உடற்தகுதி சான்றிதழ் வழங்க முடியாது என கூறியுள்ளனர்.

ஆனால், காவல் ஆய்வாளர் ஷியாம் சுந்தர், காவல் நிலைய ஜாமினில் விடுவிப்பதாக கூறி ஸ்ரீகாந்திடம் பத்தாயிரம் கேட்டு, 5 ஆயிரம் என பேசி முடித்துள்ளார். இதனால், அதிர்ச்சி அடைந்து ஸ்ரீகாந்த் லஞ்ச ஒழிப்பு துறையில் புகார் அளித்தார்.

அதன்படி, ரசாயனம் தவிய ரூபாய் நோட்டுகளை கொடுத்து அனுப்பிய லஞ்ச ஒழிப்பு போலீசார், லஞ்ச பணத்தை பெறும்போது காவல் ஆய்வாளர் ஷியாம் சுந்தரை கையும் களவுமாக கைது செய்துள்ளனர்.