திருநங்கை உடலை நல்லடக்கம் செய்த போலீசார்... நெகிழ்ந்து பாராட்டும் ஊர் மக்கள் | Transgender

நெல்லை மாவட்டம் பணகுடியில் கடந்த ஓராண்டில், ஆதரவற்ற நிலையில் உயிரிழந்த 13 பேரின் உடல்களை நல்லடக்கம் செய்த போலீசாருக்கு பொதுமக்கள் பாராட்டு தெரிவித்துள்ளனர்.

பணகுடி காவல் நிலையத்தில் பணியாற்றும் போலீசார், பணகுடி மற்றும் சுற்றுவட்டார பகுதிகளில் இறந்த ஆதரவற்றோர் உடல்களை அவரவர் சமுதாய முறைப்படி அடக்கம் செய்து வருகின்றனர். அதன்படி நேற்று இறந்த பணகுடியை சேர்ந்த ஆதரவற்ற திருநங்கை ஒருவரின் உடலை போலீசார் நல்லடக்கம் செய்தனர். கடந்த 14 மாதங்களில், ஆதரவற்ற 13 பேரின் உடல்களை அடக்கம் செய்துள்ள போலீசாருக்கு, பொதுமக்கள் பாராட்டு தெரிவித்துள்ளனர்.