பேரிகார்டுகளை தள்ளிவிட்டு ஓடிய ரசிகர்கள்மீது போலீசார் தடியடி.. சேப்பாக்கம் ஸ்டேடியத்தில் பரபரப்பு

சேப்பாக்கத்தில் சென்னை - மும்பை அணிகள் மோதும் போட்டிக்கான டிக்கெட்டுகளை பெற குவிந்த ரசிகர்களை கட்டுப்படுத்த, போலீசார் லேசான தடியடி நடத்தியது பரபரப்பை ஏற்படுத்தியது.வரும் 6 ஆம் தேதி சென்னை சேப்பாக்கம் மைதானத்தில் நடைபெறும் ஐபிஎல் போட்டியில், சென்னை - மும்பை அணிகள் மோதவுள்ளன. ரசிகர்களால் மிகவும் ஆவலோடு எதிர்பார்கப்படும் இந்த போட்டிக்கான டிக்கெட் விற்பனை இன்று காலை தொடங்கவுள்ளது. இதனையொட்டி டிக்கெட்டுகளை பெறுவதற்கு இரவிலிருந்தே ரசிகர்கள் குவிந்தனர். ஒரு கட்டத்தில் ரசிகர்களின் கூட்டத்தை கட்டுப்படுத்த போலீசார், லேசான தடியடி நடத்தினர். பின்னர் மழை பெய்தபோதும் ரசிகர்கள் நின்ற இடத்தை விட்டு நகராமல், டிக்கெட்டிற்காக காத்திருந்தனர்.