"அணையும் விளக்கு பிரகாசமாக எரியும்"- காங்கிரஸை நேரடியாக தாக்கிய பிரதமர்

வெளிநாடுகளுக்கு சென்று இந்தியாவை அவதூறு செய்யும் கட்சியாக காங்கிரஸ் திகழ்கிறது என்று பிரதமர் நரேந்திர மோடி குற்றம் சாட்டினார்.

ராஜஸ்தான் மாநிலம், பிகானீரில் 24 ஆயிரத்து 300 கோடி ரூபாய் மதிப்பீட்டில் பல்வேறு வளர்ச்சி மற்றும் உட்கட்டமைப்பு திட்டங்களுக்கு பிரதமர் மோடி அடிக்கல் நாட்டினார். பிகானீரில் தொழிலாளர் ஈட்டுறுதி கழக மருத்துவமனையை திறந்து வைத்த அவர், மேம்படுத்தப்பட உள்ள பிகானீர் ரயில் நிலையத்திற்கு அடிக்கல் நாட்டினார். தொடர்ந்து நடைபெற்ற நிகழ்ச்சியில் பேசிய அவர், ராஜஸ்தானில் வெப்பத்தைப்போல், காங்கிரஸ் அரசு மீதான மக்களின் கோபமும் அதிகரித்து இருப்பதாக கூறினார். அணையும் விளக்கு பிரகாசமாக எரியும் என்பதைப்போல, தனது தோல்வியை கண்டு அச்சமடைந்துள்ள காங்கிரஸ் கட்சி, ராஜஸ்தான் மக்களை தவறாக வழி நடத்தி வருவதாக பிரதமர் மோடி குற்றம் சாட்டினார். மேலும், வெளிநாடுகளுக்கு சென்று இந்தியாவை அவதூறு செய்யும் கட்சியாக காங்கிரஸ் கட்சி திகழ்கிறது என்றும் அவர் குற்றம் சாட்டினார்.

-