நான்கு வழிச்சாலையில் நடந்த பயங்கரம்..நடந்தது என்ன?- அதிர்ச்சி கொடுத்த திருநங்கையின் மரண வாக்குமூலம்

நெல்லையில், திருநங்கை அடித்துக் கொலை செய்யப்பட்ட சம்பவத்தில், லாரி ஓட்டுநரை போலீசார் தேடி வருகின்றனர். சுத்தமல்லி பகுதியை சேர்ந்த பிரபு என்ற திருநங்கை, பாளையங்கோட்டை ரெட்டியார்பட்டி மலை நான்கு வழிச்சாலையில் மயங்கி கிடந்தார். அவரை மீட்டு போலீசார் மருத்துவமனையில் அனுமதித்த நிலையில், சிகிச்சைப் பலனின்றி உயிரிழந்தார். இதனிடையே, இறப்பதற்கு முன் பிரபு அளித்த வாக்குமூலத்தில், யாசகத்தில் ஈடுபட்டிருந்தபோது, லாரியில் வந்த 2 பேர் தன்னை அழைத்ததாகவும், அப்போது நடந்த தகராறில் சுத்தியலால் தாக்கிவிட்டு சென்றதாகவும் கூறினார்.