படுத்த படுக்கையாக இருந்த தம்பியின் மார்பில் குத்திக்கொன்ற "டாக்டர்" அண்ணன்

கேரள மாநிலம் திருவனந்தபுரம் அருகே வர்க்கலா பகுதியைச் சேர்ந்தவர் சந்தோஷ். கால்நடை மருத்துவரான இவர், சில நாட்களுக்கு முன்பாக பணியிடை நீக்கம் செய்யப்பட்டார். இவரது தம்பி சந்தீப் ரயில்வே துறையில் ஊழியராக பணிபுரிந்து வந்த நிலையில், வலிப்பு நோயால் பாதிக்கப்பட்டு கடந்த மூன்று மாதங்களுக்கு மேலாக படுக்கையில் உள்ளார். இவரை தமிழகத்தைச் சேர்ந்த செவிலியரான சத்திய தாஸ் என்பவர் பராமரித்து வந்தார். சம்பவத்தன்று தன் தம்பி சந்தீப்பின் மார்பில் கத்தியால் குத்தி கொலை செய்தார் சந்தோஷ். இதுகுறித்து அளிக்கப்பட்ட புகாரின் பேரில் போலீசார் சந்தோஷை கைது செய்து விசாரணை நடத்தி வருகின்றனர்.