வேலைக்குச் சென்று திரும்பிய தம்பதி - வீட்டை பார்த்ததும் காத்திருந்த அதிர்ச்சி

திருப்பூர் மாவட்டம் பல்லடத்தை அடுத்த அல்லாளபுரத்தில் நடராஜன் என்பவர் வசித்து வருகிறார். கணவன், மனைவி இருவரும் திருப்பூரில் உள்ள பனியன் கம்பெனிக்கு வேலைக்கு சென்று விட்டு இரவு வீட்டுக்கு வந்தனர். அப்போது, வீட்டின் பூட்டை மர்ம நபர்கள் உடைத்து உள்ளே செல்ல முயன்றுள்ளதை பார்த்து அதிர்ச்சி அடைந்தனர்.

உடனே வீட்டில் இருந்த கண்காணிப்பு கேமரா காட்சிகளை பார்த்த பொழுது, முகமூடி அணிந்த மர்மநபர் இரும்பு கம்பியுடன் கதவு பூட்டை உடைக்க முயன்றது தெரியவந்தது. இதுகுறித்து நடராஜன் பல்லடம் காவல் நிலையத்தில் அளித்த புகாரரின்பேரில் போலீசார் விசாரித்து வருகின்றனர். இதற்கிடையே முகமூடி அணிந்த நபர் பூட்டை உடைக்கும் சிசிடிவி காட்சிகள் தற்போது சமூக வலைதளங்களில் வைரலாகி வருகிறது.