ஜூஸில் மயக்க மருந்து.. தெரியாமல் குடித்தபெண்.. அடுத்து நடந்த பயங்கரம் - சென்னையில் பகீர் சம்பவம்

ஆவடி அருகே மயக்க மருந்து கொடுத்து பெண்ணை பாலியல் வன்கொடுமை செய்த நபரை போலீசார் கைது செய்தனர். சென்னையை அடுத்த ஆவடி அருகே சோழவரம் பகுதியில் வசித்து வரும் பெண் ஒருவருக்கு சுரேஷ் என்பவர் அறிமுகம் கிடைத்துள்ளது. சுரேஷிற்கு, அப்பெண் கடன் பெற்று தந்த நிலையில், வீட்டிற்கு வந்து பணத்தை பெற்றுக் கொள்ளுமாறு சுரேஷ் தெரிவித்துள்ளார். வீட்டிற்குச் சென்ற பெண்ணிற்கு குளிர் பானத்தில் மயக்க மருந்து கலந்து கொடுத்த சுரேஷ், அப்பெண்ணை பாலியல் வன்கொடுமை செய்துள்ளார். மேலும், அதனை வீடியோ எடுத்து பல முறை மிரட்டி பாலியல் வன்கொடுமை செய்துள்ளார். அந்த வீடியோவை சமூக வலைதளங்களிலும் பரப்பியுள்ளார். இதையடுத்து, அப்பெண் அளித்த புகாரின் பேரில், போலீசார் சுரேஷை கைது செய்தனர்.