சென்னை ஏர்போர்ட்டில் திடீர் பதற்றம் - விமான நிறுவன கவுண்டரை சூழ்ந்து பயணிகள் கடும் வாக்குவாதம்

சென்னையில் இருந்து சீரடி செல்லும் விமானம் திடீரென ரத்து செய்யப்பட்டதால், பயணிகள் வாக்குவாதத்தில் ஈடுபட்டது பரபரப்பை ஏற்படுத்தியது. சென்னை மீனம்பாக்கம் விமானநிலையத்திலிருந்து சீரடி செல்ல இருந்த விமானம், வானிலை காரணமாக ரத்து செய்யப்படுவதாக அறிவிக்கப்பட்டது. இதனால் சீரடி செல்ல நீண்ட நேரமாக காத்திருந்த பயணிகள் ஆத்திரமடைந்து, விமான நிறுவன கவுண்டரை சூழ்ந்து கொண்டு வாக்குவாதத்தில் ஈடுபட்டனர். பின்னர், இன்றைய தினம் அவர்கள் சீரடி செல்வதற்கு ஏற்பாடுகள் செய்யப்படும் என உறுதியளிக்கப்பட்டதால், வாக்குவாதத்தில் ஈடுபட்டவர்கள் கலைந்து சென்றனர்.