அப்பாவை ஏற்றி சென்ற போலீஸ் ஜீப் பின்னால் அழுது கொண்டே சென்று தொலைந்துபோன மகன்.. திருப்பூரில் சோகம்

திருப்பூரில், தந்தையை போலீசார் விசாரணைக்கு அழைத்துச் சென்றபோது ஜீப்பை பின்தொடர்ந்து சென்று மாயமான மனவளர்ச்சி குன்றிய மகன் குறித்த சி.சி.டி.வி. காட்சிகள் வெளியாகியுள்ளன. பீகாரை சேர்ந்த பூசன் என்பவர், திருப்பூர் சந்தைபேட்டை பகுதியில் தேநீர் கடை நடத்தி வருகிறார். இவர் மீது கடந்த 3 ஆண்டுகளுக்கு முன் ஹார்ன்ஸ் விற்றதாக வழக்கு உள்ள நிலையில், சந்தேகத்தின் பேரில் கஞ்சா விற்பதாக பொய் வழக்குப்பதிவு செய்ததாக கூறப்படுகிறது. பூசனை விசாரணைக்காக அழைத்துச் சென்றபோது, போலீஸ் ஜீப்புக்கு பின்னால் சென்ற அவரது மனவளர்ச்சி குன்றிய மகன், 4 நாட்களாகியும் வீடு திரும்பவில்லை. இந்நிலையில், மனவளர்ச்சி குன்றிய மகன் அழுதபடியே தந்தையை தேடிச் செல்லும் சி.சி.டி.வி. காட்சிகள் வெளியாகியுள்ளன.