வீட்டில் இருந்து சிறிது தூரம் சென்றதும் பயங்கர சத்தத்துடன் தீ பிடித்து எரிந்த கார் - அதிர்ச்சி காட்சிகள்

கேரள மாநிலம், கொல்லம் அருகே கார் தீப்பிடித்து எரிந்ததில் ஒருவர் உயிரிழந்தார்.

பரவூர் வேலமனூரைச் சேர்ந்த சுதி என்பவர், காரில் வீட்டில் இருந்து சிறிது தூரம் சென்றதும், திடீரென வெடி சத்தத்துடன் கார் தீ பிடித்து எரிந்துள்ளது.

இதில், காரின் உட்புறம் முழுவதும் எரிந்து, சுதி தீயில் கருகி உயிரிழந்தார்.

காரின் என்ஜின் உள்ளிட்ட பாகங்களுக்கு எந்த சேதமும் ஏற்படாததால் காருக்குள் வெடிபொருள் அல்லது பெட்ரோல் இருந்ததா என போலீசாருக்கு சந்தேகம் எழுந்துள்ளது.

இது தற்கொலையாக இருக்கலாம் என்றும் சந்தேகம் எழுந்துள்ளதால், போலீசார் விசாரணை நடத்தி வருகின்றனர்.