படிக்க வந்த மாணவிக்கு பாலியல் தொல்லை - ஆசிரியர் மீது போக்சோ வழக்கு

ராணிப்பேட்டையில் பள்ளி மாணவியிடம் பாலியல் சீண்டலில் ஈடுபட்டு தலைமறைவாகியுள்ள பள்ளி ஆசிரியரை போலீசார் தேடி வருகின்றனர். ராணிப்பேட்டை மாவட்டத்தில் உள்ள அரசு மகளிர் உயர்நிலை பள்ளியில் விலங்கியல் ஆசிரியராக பணிபுரிந்து வருபவர் முருகன். இவர் மீது பள்ளியில் படிக்கும் 12 ஆம் வகுப்பு மாணவி ஒருவர் பாலியல் புகார் அளித்துள்ளார். இதையடுத்து, ஆசிரியர் மீது போக்சோ சட்டத்தின் கீழ் வழக்கு பதிவு செய்த நிலையில், முருகன் தலைமறைவானதால் பரபரப்பானது. இந்நிலையில், தலைமறைவாகி உள்ள ஆசிரியர் முருகனை அரக்கோணம் மகளிர் போலீசார் தேடி வருகின்றனர்.