"கட்சியை காப்பாற்றுங்கள்..." - எம்.ஜி.ஆர் சிலையைக் கட்டிப்பிடித்து அழுத அதிமுக தொண்டர்

புதுக்கோட்டையில் அதிமுக தொண்டர் ஒருவர் எம் ஜி ஆர் சிலையைக் கட்டிப்பிடித்து அழுது கட்சியைக் காப்பாற்றக் கோரி கண்ணீர் விடுத்த சம்பவம் பரபரப்பை ஏற்படுத்தியுள்ளது. அதிமுகவில் ஒற்றை தலைமை விவகாரம் நாளுக்கு நாள் தீவிரமாகி வருகிறது. இந்நிலையில், புதுக்கோட்டையில் அதிமுக தொண்டர் சுசீந்திரன் என்பவர் திடீரென்று எம்ஜிஆர் சிலைக்கு மாலை அணிவித்து மனு ஒன்றை வைத்து சிலையைக் கட்டிப்பிடித்து "ஓ"வென்று அழத் துவங்கினார். அவர் வைத்த மனுவில், "தெய்வமே தலைவா... கட்சியை காப்பாற்றுங்கள்... தங்களின் பக்தன் கதறுகிறேன்" என்று எழுதப்பட்டிருந்தது...இச்சம்பவத்தால் அப்பகுதியில் சிறிது நேரம் பரபரப்பு ஏற்பட்டது.