இளைஞரிடம் கத்தியைக் காட்டி வழிப்பறி - தாம்பரத்தில் அதிர்ச்சி | Tambaram | Roberry

தாம்பரத்தில் கத்தியைக் காட்டி இளைஞரிடம் வழிப்பறி செய்த 5 பேரை போலீசார் கைது செய்தனர். மேற்கு தாம்பரம் சிடிஓ காலனியைச் சேர்ந்த முகமது ஜூனைத் என்பவரிடம் கடந்த மாதம் 14-ஆம் தேதி, இருசக்கர வாகனத்தில் வந்த 2 பேர், செல்போனை பறித்துக் கொண்டு தப்பிச் சென்றனர். அவர்களை இருசக்கர வாகனத்தில் பின்தொடர்ந்து சென்ற முகமது ஜூனைத், வண்டியுடன் சேர்த்து கீழே தள்ளினார். அப்போது மற்றொரு வாகனத்தில் வந்த சிலர், முகமதுவை கத்தியைக் காட்டி மிரட்டி தாக்கி விட்டு அவரிடம் இருந்து கடிகாரம், இருசக்கர வாகனம் ஆகியவற்றை பறித்துக் கொண்டு தப்பிச் சென்றனர். இந்த சம்பவம் தொடர்பாக விசாரணை நடத்தி வந்த தாம்பரம் போலீசார், 5 பேரை கைது செய்தனர்.