குடியரசு தின விழா கொண்டாட்டம்... சென்னையில் பிரம்மாண்டமாக நடைபெற்ற முதல்நாள் ஒத்திகை அணிவகுப்பு

குடியரசு தின விழாவை முன்னிட்டு சென்னை மெரினா கடற்கரை காமராஜர் சாலையில்,ஒத்திகை அணிவகுப்பு நடைபெற்றது.

வரும் 26 ஆம் தேதி மெரினா கடற்கரையில் உள்ள உழைப்பாளர் சிலை அருகே, குடியரசு தின விழா கொண்டாடப்படவுள்ளது.

இந்தநிலையில் விழாவுக்கான முப்படை வீரர்கள் மற்றும் போலீசாரின் முதல்நாள் ஒத்திகை அணிவகுப்பு, இன்று காமராஜர் சாலையில் நடைபெற்றது.

இதில் தீயணைப்பு வீரர்கள், தேசிய மாணவர் படையினர் உள்ளிட்டோரும் பங்கேற்றனர்.

தொடர்ந்து கலைநிகழ்ச்சிகளுக்கான ஒத்திகையும் நடைபெற்றது.