கல் குவாரி திறப்பதற்கு எதிர்ப்பு தெரிவித்து போராட்டம்... பொதுமக்கள் சாலை மறியல்

மேட்டுப்பாளையம் அருகே புதிதாக கல் குவாரிகள் அமைக்க எதிர்ப்பு தெரிவித்தும், ஏற்கனவே அமைந்துள்ள குவாரிகளை அகற்றக் கோரியும் சாலை மறியல் நடைபெற்றது. கோயம்புத்தூர் மாவட்டம், மேட்டுப்பாளையம் அருகே பெள்ளாதி ஊராட்சி அமைதுள்ளது. இங்கு 10-க்கும் மேற்பட்ட கல்குவாரிகள் இயங்கி வருகிறது. இதனால், நிலத்தடி நீர்மட்டம் குறைவதாகவும், வெடி வைத்து பாறைகள் உடைக்கப்படுவதால் பல்வேறு பாதிப்புகள் ஏற்படுவதாகவும் அப்பகுதியினர் குற்றஞ்சாட்டி வருகின்றனர். இந்நிலையில், மேலும் 4 குவாரிகள் அமைக்க அரசிடம் கோரியிருப்பதாக தெரிகிறது. இதை எதிர்த்து இப்பகுதியினர் அன்னூர் சாலையில் மறியல் போராட்டத்தில் ஈடுபட்டனர்.