குடியரசு தலைவர் பேசும் போது மின்தடை...பொருட்படுத்தாமல் பேசி முடித்த திரௌபதி முர்மு

ஒடிசாவில் உள்ள மகாராஜா ஸ்ரீராம் சந்திர பஞ்சதேயோ பல்கலைக்கழக பட்டமளிப்பு விழாவில், குடியரசு தலைவர் திரௌபதி முர்மு பேசும்போது திடீரென்று மின்சாரம் தடைபட்டதால் பரபரப்பு ஏற்பட்டது. பல்கலைக்கழகத்தின் அரங்கத்தில் விழா நடைபெற்றபோது, காலை 11.56 மணி முதல் சுமார் 9 நிமிடங்கள் மின்சாரம் துண்டிக்கப்பட்டது. இருந்தபோதிலும், மேடையில் இருந்து வரும் ஒளியை வைத்து திரௌபதி முர்மு தனது உரையை பேசி முடித்தார். நிகழ்ச்சி முடிந்த பிறகு பல்கலைக்கழகத்தின் துணைவேந்தர் சந்தோஷ் திரிபாதி, நடந்த சம்பவத்துக்கு வருத்தம் தெரிவித்தார்.