"மீனவர்கள் கடலுக்குச் செல்ல வேண்டாம்"பொன்னேரி மீன்வளத்துறை உத்தரவு - காரணம் என்ன ?

ஆந்திர மாநிலம் ஸ்ரீஹரிகோட்டாவில் இன்று(22.04.2023) ராக்கெட் ஏவப்பட இருப்பதால், திருவள்ளூர் மாவட்டம் பழவேற்காடு மீனவர்கள் கடலுக்குச் செல்ல மீன்வளத்துறை தடை விதித்துள்ளது. ராக்கெட் விண்ணில் செலுத்தப்படும் போது, அசம்பாவிதங்களை தவிர்க்கும் வகையில், குறிப்பிட்ட கடல் பகுதிக்குள் மீனவர்கள் தொழிலுக்கு செல்ல தடை விதிக்கப்பட்டு வருகிறது. அதன்படி, பழவேற்காடு பகுதி மீனவர்கள் யாரும் இன்று(22.04.2023) மீன்பிடிக்க செல்ல வேண்டாம் என, பொன்னேரி மீன்வளத்துறை உத்தரவு பிறப்பித்துள்ளது.