நடுவானில் விமானிக்கு வந்த திடீர் சந்தேகம்.. அச்சத்தில் உறைந்த 183 பயணிகள் - கேரளாவில் பரபரப்பு

ஜித்தாவில் இருந்து கோழிக்கோடு வந்த விமானம், கொச்சி விமானநிலையத்தில் அவசரமாக தரையிறக்கப்பட்டது.

விமானத்தின் ஹைட்ராலிக் அமைப்பில் கோளாறு இருப்பதாக சந்தேகம் எழுந்ததால், விமானம் அவசரமாக தரையிறக்கப்பட்டது. இந்த விமானத்தில் 183 பயணிகள் உட்பட மொத்த 197 பேர் இருந்தன.

விமானி தகவல் அளித்ததை தொடர்ந்து கொச்சி விமான நிலையத்தில் உயர் எச்சரிக்கை விடுக்கப்பட்ட நிலையில், அந்த நேரத்தில் அங்கு தரையிறங்க வேண்டிய பல விமானங்கள் திருப்பி விடப்பட்டன.

விமானம் தரையிறங்கியதை அடுத்து, உயர் எச்சரிக்கை வாபஸ் பெறப்பட்டது.