சொந்த மண்ணில் படுதோல்வி அடைந்த பாக். - பட்டைய கிளப்பிய இங்கிலாந்து

பாகிஸ்தானுக்கு எதிரான கடைசி டெஸ்ட் போட்டியில் 8 விக்கெட் வித்தியாசத்தில் இங்கிலாந்து அபார வெற்றி பெற்றது.கராச்சியில் நடைபெற்ற இந்தப் போட்டியின் முதல் இன்னிங்சில் பாகிஸ்தான் 304 ரன்களும் இங்கிலாந்து 354 ரன்களும் எடுத்தன. 2வது இன்னிங்சில் பாகிஸ்தான் 216 ரன்களுக்கு ஆல்-அவுட் ஆனது. இதனால் 167 ரன்கள் என்ற எளிய இலக்குடன் ஆடிய இங்கிலாந்து, 2 விக்கெட்டை மட்டும் இழந்து, இன்று இலக்கை எட்டியது. முதல் இன்னிங்சில் சதம் விளாசிய ஹாரி ப்ரூக் ஆட்டநாயகன் மற்றும் தொடர் நாயகன் விருதை வென்றார். இந்த வெற்றி மூலம் டெஸ்ட் தொடரை 3-க்கு பூஜ்யம் என்ற கணக்கில் முழுமையாக கைப்பற்றிய இங்கிலாந்து, பாகிஸ்தானை ஒயிட்வாஷ் செய்துள்ளது.