தொடரும் மணிப்பூர் கலவரம்... மக்களை நேரில் சந்தித்த ராகுல் காந்தி

மணிப்பூர் சென்றுள்ள காங்கிரஸ் முன்னாள் தலைவர் ராகுல் காந்தி, நிவாரண முகாம்களில் தங்கியுள்ளவர்களுடன் கலந்துரையாடினார்.

மணிப்பூரில் 2 மாதங்களுக்கும் மேலாக கலவரம் நீடித்து வருகிறது. இதனால் 100க்கும் மேற்பட்டோர் கொல்லப்பட்டதுடன், ஆயிரக்கணக்கானோர் இடம் பெயர்ந்துள்ளனர். இந்நிலை​யில், கலவரத்தால் பாதிக்கப்பட்ட மக்களை நேரில் சந்திப்பதற்காக ராகுல் காந்தி, 2 நாள் பயணமாக மணிப்பூர் சென்றுள்ளார். மொய்ராங் பகுதியில் அமைக்கப்பட்டுள்ள நிவாரண முகாமில் தங்கியுள்ள மக்களுடன் கலந்துரையாடினார். சுராசந்த்ப்பூர் பகுதியில் அமைக்கப்பட்டிருந்த நிவாரண முகாமில் தங்கியிருந்த மக்களை ராகுல் காந்தி நேற்று சந்தித்து ஆறுதல் தெரிவித்தது குறிப்பிடத்தக்கது.