தமிழ்நாட்டின் அடுத்த டிஜிபி..டெல்லியில் நடந்த மீட்டிங்..

தமிழ்நாட்டின் அடுத்த டிஜிபியை தேர்வு செய்யும் ஆலோசனைக் கூட்டம் டெல்லியில் நடைபெற்றது.

தமிழக டிஜிபி சைலேந்திர பாபு வரும் 30 ஆம் தேதி பணி ஓய்வு பெற உள்ளார். இதையடுத்து, புதிய டிஜிபி தேர்வு தொடர்பாக, டெல்லியில் மத்திய அரசுப் பணியாளர் தேர்வாணையத்தில் நடைபெற்ற இறுதி கட்ட ஆலோசனைக் கூட்டத்தில் தலைமைச் செயலர் இறையன்பு, டிஜிபி சைலேந்திர பாபு மற்றும் முக்கிய அதிகாரிகள் கலந்து கொண்டனர்.

டெல்லி காவல் ஆணையர் சஞ்சய் அரோரா, சென்னை காவல் ஆணையர் சங்கர் ஜிவால்,முன்னாள் சென்னை காவல் ஆணையர் ஏ.கே.விஸ்வநாதன், ,தீயணைப்பு துறை இயக்குநர் ஆபாஷ் குமார், தமிழ்நாடு சீருடை பணியாளர் தேர்வாணைய இயக்குநர் சீமா அகர்வால் உள்ளிட்டோரின் பெயர்கள் பரிந்துரைக்கப்பட்டுள்ளது. இவர்களில், சஞ்சய் அரோரா, சங்கர் ஜிவால், ஏ.கே.விஸ்வநாதன் ஆகிய 3 பேரின் பெயர்கள் இறுதி செய்யப்பட்டுள்ளதாகவும் வரும் 28-ம் தேதி, புதிய டிஜிபியின் பெயரை வெளியிட இருப்பதாகவும் தகவல்கள் வெளியாகி உள்ளன.