இலங்கையில் இருந்து வந்த மர்ம படகு..ஒரே ஒருவர் மட்டும் உள்ளே - வந்த நபர் யார்? என்ன நோக்கம்?

வேதாரண்யம் அருகே இலங்கையில் இருந்து படகு மூலம் வந்தவரை பொதுமக்கள் பிடித்து போலீசாரிடம் ஒப்படைத்தனர். நாகை மாவட்டம், வேதாரண்யம் அடுத்த வெள்ளப்பள்ளம் கடற்கரை பகுதிக்கு இலங்கையை சேர்ந்த நபர் ஒருவர் வந்து இறங்கி உள்ளர். அவரை, அங்கு இருந்த மீனவர்கள் பிடித்து வேட்டைக்காரன்ணிருப்பு போலீஸாரிடம் ஒப்படைத்தனர். அந்நபரிடம் போலீசார் நடத்திய விசாரணையில், அவர் பெயர் மோகனராசா என்பதும், பருத்திதுறை கடற்கரையில் இருந்து இரண்டு லட்ச ரூபாய் பணம் கொடுத்து வந்ததும் தெரிய வந்தது. அவரை அழைத்து வந்த நபர் யார்? மற்றும் அவர் வந்ததற்கான காரணம் குறித்து போலீசார் தீவிரமாக விசாரித்து வருகின்றனர்.