பள்ளி மாணவிக்கு விடாமல் லவ் டார்ச்சர்.. அட்டகாசம் செய்த கணித ஆசிரியர் போக்சோவில் கைது

அரியலூர் மாவட்டம் ஜெயங்கொண்டம் அருகே, 10-ம் வகுப்பு மாணவியை காதலிக்க வற்புறுத்திய கணித ஆசிரியர் போக்சோ சட்டத்தில் கைது செய்யப்பட்டார்.

ஜெயங்கொண்டம் அருகே உள்ள சுந்தரேசபுரம கிராமத்தில் இயங்கி வரும் தனியார் பள்ளியில், தினேஷ் என்பவர் கணித ஆசிரியராக பணியாற்றி வருகிறார்.

இவர், அதே பள்ளியில் பயிலும் 10ம் வகுப்பு மாணவியை காதலிக்க வற்புறுத்தியதாக கூறப்படுகிறது.

இது சம்பந்தமாக மாணவியின் பெற்றோர் பலமுறைக் கண்டித்தும், அதனை பொருட்படுத்தாமல், செல்போனிலும், நேரிலும் தினேஷ் தொல்லை கொடுத்ததாக சொல்லப்படுகிறது

இதனால், மாணவியின் பள்ளிப் படிப்பை பெற்றோர் பாதியிலேயே நிறுத்தியுள்ளனர்.

ஆனாலும், தினேஷ் தொடர்ந்து போனில் மாணவியை தொடர்பு கொண்டு பேசி வந்ததாக கூறப்படுகிறது.

விரக்தி அடைந்த மாணவியின் பெற்றோர், ஜெயங்கொண்டம் காவல் நிலையத்தில் புகார் அளித்தனர்.

அதன் பேரில், வழக்குப்பதிவு செய்த போலீசார், போக்சோ சட்டத்தின் கீழ் தினேஷை கைது செய்து சிறையில் அடைத்தனர்.