சபரிமலையில் பூஜை செய்த நபர்...தீயாய் பரவிய வீடியோ - தமிழகத்தில் தொடங்கிய தேடுதல் வேட்டை

சபரிமலை பொன்னம்பலமேட்டில் தடையை மீறி பூஜை நடத்திய விவகாரத்தில், தலைமறைவாக உள்ள நாராயணசாமியை பிடிக்க போலீசார் தீவிர தேடுதல் வேட்டையில் ஈடுபட்டுள்ளனர்.சபரிமலை அருகிலுள்ள பொன்னம்பலமேடு, கேரள வனத்துறை கட்டுப்பாட்டில் உள்ளது. இங்கு சென்னையை சேர்ந்த நாராயணசாமி என்பவர் தலைமையில் தடையை மீறி பூஜை நடத்திய வீடியோ காட்சிகள் வெளியாகி சர்ச்சையை ஏற்படுத்தியுள்ளது. இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர். இந்த விவகாரத்தில் வனத்துறையை சேர்ந்த ராஜேந்திரன் கருப்பையா, சாபு மேத்யூ ஆகிய இருவர் கைது செய்யப்பட்டு சிறையில் அடைக்கப்பட்டுள்ளனர். பூஜை நடத்திய நாராயணசாமி தனது செல்போனை சுவிட்ச் ஆப் செய்துவிட்டு தலைமறைவாக உள்ள நிலையில், அவரை போலீசார் தீவிரமாக தேடி வருகின்றனர். நாராயணசாமி தமிழகத்தில் தலைமறைவாக இருக்கலாம் எனக்கூறப்படுவதால், விசாரணைக்குழு தமிழகத்தில் தேடுதல் வேட்டையில் ஈடுபட்டுள்ளது.