திடீரென வீட்டுக்குள் புகுந்த 4 பேர் கும்பல்... அடுத்த நொடியே இளைஞருக்கு நேர்ந்த சோகம்

மதுரை அருகே வீடு புகுந்து இளைஞரை வெட்டி கொலை செய்த மர்ம கும்பலை போலீசார் தீவிரமாக தேடி வருகின்றனர்.

மதுரை விளாங்குடியை அடுத்த கரிசல்குளம் மந்தை திடல் பகுதியில் கட்டட வேலை செய்து வரும் பூமிநாதன் என்பவரை நான்கு பேர் கொண்ட

கும்பல் வீடு புகுந்து சரமாரியாக வெட்டி கொன்றது. பின்னர் அக்கும்பல் தப்பியோடி விட்டது.

அக்கம்பக்கத்தினர் அளித்த தகவலின் பேரில்

போலீசார் சம்பவ இடத்திற்கு விரைந்து உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.

கொலை வழக்கில் தொடர்புடைய பூமிநாதன் முன்விரோதம் காரணமாக கொல்லப்பட்டிருக்கலாம் என்று போலீசார் விசாரணையில் தெரியவந்துள்ளது.